الوطن العدنية/مقال لـ”حسين أحمد اغبري”
الفل لما فتش غار الجمال منه
الورد كم لون عليه قد سار
وماحد سال عنه
والياسمين الزمن عليه جار
صار اكبر من سنه
شوفوا المحبين يسالوا عن مين
يوم الخميس فرح ريحته بتدور
ليلة العمر تراه يلعب دور
مطرحه الراس وما بين الصدور
منظر رهيب حاسده معذور
شوفوا المحبين يسالوا عن مين
يا ريتني فله انثر ريحتي اميال
والتجربه صارت لها أجيال
من يلبسه ، العين عليه ميال
شوفوا المحبين يسالوا عن مين
باريتني فله بيضاء محفوظه
جوه الدواليب وكل مخطوطه
العشق والحب بالفل مربوطه
شوفوا المحبين يسالوا عن مين
فل الحسيني عمره ما ضاع
واسالوا من شرى واللي باع
ارضنا تعطي في السنة ارباع
شوفوا المحبين يسالوا عن مين
حسين احمد اغبري/عدن
سبتمبر ٢٠٢٥
